Mynd: Austurfrétt / Gunnar Gunnarsson

Völsungur tók á móti Hetti/Hugin í fyrsta leik dagsins í 2. deild karla og þurftu Húsvíkingar sigur á heimavelli til að halda sér á lífi í toppbaráttunni.

Þrautin reyndist þó ansi þung og skoruðu gestirnir eftir hálftímaleik. Alberto Lopez Medel setti boltann í netið og héldu Austfirðingar forystunni allt til leiksloka.

Hjörvar Daði Arnarsson var rekinn útaf í liði Hattar/Hugins þegar komið var í uppbótartíma en inn vildi boltinn ekki fyrir Völsung.

Lokatölur 0-1 og Völsungur er áfram í þriðja sæti, sjö stigum eftir öðru sætinu þegar aðeins þrjár umferðir eru eftir. Sigur hér hefði haldið vonarneistanum á lífi.