Valur er bikarmeistari í fjórtánda sinn eftir 2-1 sigur á Breiðabliki á Laugardalsvelli í dag.
Blikar komust yfir er Birta Georgsdóttir skoraði með skoti af stuttu færi í fyrri hálfleik og staðan 1-0 fyrir Blikum í hálfleik.
Valur tók við sér í þeim síðari og jafnaði metin er Cyara Hintzen skoraði eftir sendingu frá Þórdísi Hrönn Sigfúsdóttur. Ásdís Karen Halldórsdóttir gerði síðan sigurmarkið um tuttugu mínútum fyrir leikslok og það aftur eftir sendingu frá Þórdísi.
FJórtándi bikarmeistaratitill Vals staðreynd en liðið gat leyft sér að fagna vel og innilega í leikslok. Hér fyrir neðan má sjá fagnaðarlætin.
Valur er Mjólkurbikarmeistari kvenna 2022 - sjáið fagnaðarlætin í leikslok. pic.twitter.com/jnsnI0yM64
— RÚV Íþróttir (@ruvithrottir) August 27, 2022
Bikarinn fór svo á loft stuttu síðar og má sjá það í myndbandinu sem RÚV birti hér fyrir neðan.
Valur er Mjólkurbikarmeistari kvenna árið 2022 Bikarinn fer á loft á Laugardalsvellinum og mjólkin flæðir um allt pic.twitter.com/5J29L4j9t5
— RÚV Íþróttir (@ruvithrottir) August 27, 2022
Athugasemdir