„Tifinningin er frábær eins og alltaf þegar þú vinnur titla, Valur hefur ekki unnið titilinn í ellefu ár þannig að þetta skiptir miklu máli fyrir félagið líka," sagði Pétur Pétursson, þjálfari Vals, eftir sigur á Breiðabliki í bikarúrslitaleik í dag.
Lestu um leikinn: Breiðablik 1 - 2 Valur
„Ég er búinn að horfa á þetta í fimm ár, á fimmta ári tókst það. Hjá okkur hefur verið markmiðið að vinna tvöfalt, að vinna bikarinn tókst núna."
„Ég hef ekki hugmynd um það," sagði Pétur aðspurður hvað hefði vantað hjá Val til að klára bikarinn á þeim árum sem hann hefur verið þjálfari liðsins.
„Mér fannst við svolítið rólegar í fyrri hálfleik en í seinni hálfleik fórum við og pressuðum og gerðum eins og Valsliðið hefur verið að gera. Þær gerðu það frábærlega stelpurnar."
Pétur segist ekki hafa sagt neitt í hálfleik. „Ég steinþagði bara, þær gerðu þetta bara sjálfar."
„Það er mjög gaman að vera í Val, besta félag sem ég hef unnið fyrir."
„Í kvöld er allt leyfilegt, það er landsliðsverkefni framundan, frí næstu tólf daga í deildinni þannig þær geta gert það sem þær vilja."
Pétur segir þó að það sé ekkert frí framundan. „Nei nei, það er æfing á mánudaginn."
Athugasemdir