Bayern 1 - 1 Borussia M.
0-1 Marcus Thuram ('43 )
1-1 Leroy Sane ('83 )
0-1 Marcus Thuram ('43 )
1-1 Leroy Sane ('83 )
Yann Sommer, markvörður Borussia Monchengladbach, átti stórkostlega frammistöðu er liðið gerði 1-1 jafntefli við Bayern München í þýsku deildinni í dag.
Bayern var með öll völd á leiknum í fyrri hálfleiknum og þurfti Sommer strax að taka á stóra sínum á fyrstu mínútu eftir að Dayot Upamecano skallaði á markið en Sommer varði frábærlega.
Liðið hélt áfram að pressa og skapa sér færi en Sommer vel á verði.
Sadio Mané kom boltanum í netið á 34. mínútu en markið var dæmt af vegna rangstöðu í aðdragandanum.
Það var því þvert gegn gangi leiksins er Marcus Thuram tók forystuna fyrir Gladbach undir lok fyrri hálfleiks.
Sommer hélt áfram að verja eins og berserkur í þeim síðari en náði ekki að sjá við Leroy Sane sem jafnaði á 83. mínútu. Bayern reyndi að koma sigurmarkinu í netið undir lokin en Sommer varði allt og tryggði Gladbach stig.
Bayern er á toppnum með 10 stig en Gladbach í 6. sæti með 8 stig.
Athugasemdir