Fjölnir vann flottan sigur á Selfoss fyrr í dag leikar enduðu 4-1 fyrir Fjölni. Staðan var 1-1 í hálfleik en í síðari hálfleik tóku Fjölnir yfir leikinn og skoruðu 3 mörk. Úlfur Arnar Jökulsson var mjög sáttur með liðið eftir leik.
Lestu um leikinn: Fjölnir 4 - 1 Selfoss
„Ég er ánægður með strákana, við vorum ekki alveg nógu ánægðir með fyrri hálfleikinn, við vorum samt að ágætis færi en við vorum ekki að sýna þá spilamennsku sem við vildum sýna. Við áttum stutt og gott spjall í hálfleik og ég er ótrúlega stoltur af strákunum hvernig þeir svöruðu í seinni hálfleik. Frá fyrstu sekúndu í seinni háflleik fannst mér bara vera eitt lið á vellinum og við bara völtum yfir þá."
Staðan var jöfn í hálfleik en hvað breyttist?
„Við færðum til í stöðum og breyttum aðeins shapeinu í uppspilinu og það lukkaðist vel. Strákarnir stigu líka upp, fóru að verða miklu djarfari."
Júlíus Mar Júlíusson kemur inná og skorar fyrsta mark leiksins, hvernig leikmaður er Júlíus?
„Júlli er hávaxinn og röskur miðað við að vera hávaxinn leikmaður hann er tæknilega mjög góður, með frábæra sendingargetu og rosalegur karakter, jákvæð og sterk orka í kringum hann, hann er svo sannarlega framtíðarmaður í þessu liði."
Viðtalið má sjá í heild sinni hér fyrir ofan.
Athugasemdir
