Í dag var dregið í riðla fyrir Meistarakeppni kvenna og þar kom í ljós að Glódís Perla Viggósdóttir landsliðsfyrirliði Íslands og stöllur hennar í Bayern München eru í D-riðli með Valerenga.

Landsliðskonan Sædís Rún Heiðarsdóttir, fyrrum leikmaður Stjörnunnar, leikur fyrir Valerenga.

Sveindís Jane Jónsdóttir í Wolfsburg er í A-riðli og Amanda Andradóttir í Twente er í B-riðli. Ríkjandi meistarar í Barcelona eru í D-riðlinum.

Riðlakeppnin hefst 8. október og lýkur 18. desember.