Leverkusen er komið á toppinn í bili að minnsta kosti eftir sigur á Hoffenheim í kvöld.
Karólína Lea Vilhjálmsdóttir var á sínum stað í byrjunarliði Leverkusen sem var með 2-0 forystu í hálfleik. Karólína var tekin af velli eftir rúmlega klukkutíma leik en honum lauk með 2-1 sigri Leverkusen.
Liðið er á toppnum með tíu stig eftir fjórar umferðir en Bayern er í 2. sæti með níu stig eftir þrjár umferðir.
Hildur Antonsdóttir spilaði allan leikinn þegar Madrid C tapaði í grannaslag gegn Atletico Madrid 4-0. Madrid C er með sex stig eftir fjórar umferðir í 7. sæti en Atletico er á toppnum með fullt hús stiga.
Athugasemdir