Chido Obi-Martin er orðinn leikmaður Manchester United en danski fjölmiðillinn Tipsbladet segist hafa fengið þetta staðfest.
Fabrizio Romano segir einnig frá því að enska úrvalsdeildin hafi samþykkt félagaskiptin.
Fabrizio Romano segir einnig frá því að enska úrvalsdeildin hafi samþykkt félagaskiptin.
Obi-Martin hefur verið að æfa einn á meðan Arsenal og Man Utd hafa verið að ræða saman um félagaskiptin, en Obi-Martin kemur til United frá Arsenal.
United lagði mikið á sig að fá hann til félagsins en Ruud van Nistlerooy, fyrrum sóknarmaður Man Utd, sem er í þjálfarateymi liðsins í dag, hafði mikil áhrif á val Obi-Martin.
Obi-Martin er 16 ára gamall og fæddur í Danmörku en flutti ungur að árum til Englands.
Hann kom sér í fréttirnar á síðasta tímabili er hann skoraði tíu mörk í 14-3 sigri U16 ára liðs Arsenal á Liverpool. Þá skoraði hann sjö mörk fyrir U18 ára liðið gegn Southampton.
Athugasemdir