Bruno Fernandes, sem hefur verið á óskalistum Manchester United og Tottenham, hefur skrifað undir nýjan samning við Sporting Lissabon.
Fernandes hafði lýst því yfir að hann vildi færa sig um set en þrátt fyrir það yfirgaf hann ekki Sporting í sumar og skrifaði svo undir nýjan samning í gær.
Fernandes hafði lýst því yfir að hann vildi færa sig um set en þrátt fyrir það yfirgaf hann ekki Sporting í sumar og skrifaði svo undir nýjan samning í gær.
Samkvæmt fréttum hækkar riftunarákvæðið í nýja samningnum úr 65 milljónum punda í 85 milljónir punda.
Samningurinn er til 2023.
Þessi 25 ára miðjumaður segist stoltur af nýja samningnum og að hann sýni að hann sé að gera hlutina vel.
„Í mínum huga verða það alltaf forréttindi að vera hérna og klæðast treyju Sporting," segir Fernandes sem skoraði 32 mörk og átti 18 stoðsendingar á síðasta tímabili. Þá hjálpaði hann Portúgal að vinna Þjóðadeildina.
Fernandes hefur farið mjög vel af stað á þessu tímabili og er kominn með 9 mörk í 17 leikjum. Þá er hann tilnefndur í lið ársins hjá UEFA.
🗣️ "Para mim é, e sempre será, um privilégio estar aqui e poder vestir a camisola do Sporting CP” @B_Fernandes8 ✍️
— Sporting Clube de Portugal (@Sporting_CP) November 26, 2019
👉 https://t.co/Pjg365J1i7#SportingCP pic.twitter.com/F9XQqGwgFr
Athugasemdir