Erling Braut Haaland var í enn eitt skiptið á skotskónum í Meistaradeildinni. Hann skoraði fjórða mark liðsins, í 4-1 sigri á Genk, eftir að hafa byrjað á varamannabekknum.
Haaland er einungis 19 ára gamall. Mark hans í kvöld innsiglaði sigurinn og heldur liðinu í möguleika á því að komast í 16-liða úrslit keppninnar. Liðið mætir Liverpool í lokaumferðinni á heimavelli. Liverpool er með 10 stig, Napoli hefur 9 og Salzburg er með 7.
Haaland er einungis 19 ára gamall. Mark hans í kvöld innsiglaði sigurinn og heldur liðinu í möguleika á því að komast í 16-liða úrslit keppninnar. Liðið mætir Liverpool í lokaumferðinni á heimavelli. Liverpool er með 10 stig, Napoli hefur 9 og Salzburg er með 7.
Mark hans er sögulegt því hann er fyrsti táningurinn í sögu keppninnar til að skora í fyrstu fimm leikjum sínum í keppninni. Markið tryggði honum annað met því enginn hefur skorað fleiri mörk en hann í fyrstu fimm leikjum sínum, átta talsins.
Bæði Harry Kane og Diego Costa skoruðu sjö mörk í fyrstu fimm leikjum sínum í Meistaradeildinni. Það eru þá einungis hann og Robert Lewandowski sem hafa skorað í öllum leikjum sínum í keppninni. Haaland hefur alls skorað 27 mörk í 19 leikjum í öllum keppnum á þessari leiktíð, ótrúlegur árangur.
5 - Red Bull Salzburg’s Erling Haaland has become the first teenager in the history of the European Cup/UEFA Champions League to score in five consecutive appearances in the competition. Famous. #UCL pic.twitter.com/6YYNOVXFgb
— OptaJoe (@OptaJoe) November 27, 2019
Athugasemdir