Jurgen Klopp gerði þrjár breytingar á byrjunarliði sínu og var Andy Robertson einn af þeim sem kom inn í liðið á ný.

Robertson var ekki lengi að stimpla sig inn en leikurinn var ekki orðinn tveggja mínútna gamall þegar Liverpool tók forystuna.

Góð sókn heimamanna endaði með því að Robertson fann Portúgalann Diogo Jota sem skilaði knettinum í netið. Mohamed Salah var einnig mættur og var klár að setja boltann í netið.

Jota var hvildur í leiknum gegn Porto í Meistaradeild Evrópu í síðustu viku og því mætti hann ferskur í leikinn í dag og eins og áður segir voru ekki tvær mínútur komnar á klukkuna þegar boltinn var kominn í netið.

Þetta var sjötta mark Jota í deildinni á þessu tímabili.