Roberto Firmino skoraði tvö mörk í gærkvöldi þegar Liverpool heimsótti Leicester og hafði þar betur, 0-4.
Firmino hefur helst verið þekktur fyrir mikla vinnusemi á vellinum og hefur alltaf skorað nokkuð reglulega, en ekki raðað inn mörkunum. Klopp segist ekki hugsa um markskorun Firmino heldur er það vinnusemi hans sem skiptir mestu máli.
„Bobby (Firmino) er búinn að skora fjögur mörk í síðustu þremur leikjum. Fyrir það voru blaðamenn alltaf að minna mig á hvað hann skoraði lítið. Þegar ég hugsa um Bobby hugsa ég ekki um hversu mikið hann skorar, ég hugsa um mikilvægi hans á vellinum," sagði Klopp.
Liverpool er með 13 stiga forystu á toppi ensku úrvalsdeildarinnar og á þar að auki leik til góða. Næst fá þeir Wolves í heimsókn á Anfield á sunnudaginn.
Athugasemdir