Napoli fékk eitt mínusstig og dæmt 3-0 tap gegn fyrir að hafa ekki ferðast í útileikinn eftir að upp komst um tvö Covid smit í leikmannahópnum. Liðið ferðaðist ekki vegna ótta um að smitið myndi dreifast hratt líkt og gerðist hjá Genoa skömmu fyrr.

Eftir mikla baráttu tókst Napoli að fá refsinguna fellda niður og verður stórleikurinn spilaður eftir áramót. Pirlo tjáði sig um málið og ýjaði að því að Napoli hefði hæglega getað mætt til leiks gegn Juve. De Laurentiis tók ekki vel í þessi ummæli Pirlo og lét hann heyra það.

„Pirlo er ekki lögfræðingur, hann skilur ekki ákveðna hluti og hefur ekki hugmynd um hvað er að baki þessu máli. Pirlo ætti að einbeita sér að þjálfun og leyfa hæfari mönnum að tjá sig um svona hluti," sagði pirraður De Laurentiis í útvarpsviðtali.