Coleman hefur ekki verið með í síðustu leikjum Everton og hefur Gylfi þá verið með fyrirliðabandið í hans fjarveru.

Það hefur gengið vel og hefur Gylfi til að mynda sjálfur skorað sigurmörk í leikjum gegn Chelsea og Sheffield United. Hann var hetjan gegn Sheffield United í gær.

Tölfræðingurinn SuperStatto segir frá því á Twitter að Everton hafi unnið 59,09 prósent leikja sinna þegar Gylfi er fyrirliði en til samanburðar 39,64 prósent leikja sinn þegar Coleman er fyrirliði.

Þess ber þó að geta að Gylfi hefur verið fyrirliði Everton í 22 keppnisleikjum og Coleman í 53 keppnisleikjum.