Al Arabi vann sinn annan sigur í röð þegar liðið mætti Al Sailiya á útivelli í dag.
Það var Mehrdad Mohammadi sem skoraði eina mark leiksins fyrir Al Arabi á markamínútunni, 43. mínútu. Staðan var 1-0 í hálfleik og þannig enduðu leikar.
Aron Einar Gunnarsson, landsliðsfyrirliði, spilaði allan leikinn fyrir Al Arabi og stjórnaði umferðinni á miðsvæðinu.
Al Arabi er eftir þennan flotta sigur komið með 12 stig í áttunda sæti deildarinnar. Heimir Hallgrímsson er auðvitað þjálfari liðsins og með honum í starfsteyminu eru Bjarki Már Ólafsson og Freyr Alexandersson.
Athugasemdir