Ronaldo segir að sér finnist leiðinlegt að spila án áhorfenda, hann sakni þess sérstaklega að láta baula á sig.

„Það er leiðinlegt að spila fyrir framan tóman leikvang. Heilsa leikmanna á að skipta höfuðmáli en mér finnst þetta ekki gaman ef ég á að vera heiðarlegur. Ég held áfram að spila því ég elska fótbolta, ég spila fyrir fjölskylduna mína, fyrir börnin mín, fyrir vini mína, fyrir stuðningsmenn, en mér finnst þetta ekki gaman. Það er alltof skrýtið að spila án áhorfenda," sagði Ronaldo á árlegri íþróttaráðstefnu í Dúbaí.

„Ég sakna þess að hafa áhorfendur sem baula á mig. Þegar maður heyrir 'búúúú' um leið og maður snertir boltann. Það hvetur mig áfram að heyra baulin og ég vona að það verði hægt að spila fyrir framan áhorfendur á næsta ári.

„Fótbolti er ekki neitt án áhorfenda."