Bamford gerði frábærlega að leika á Nick Pope og láta hann brjóta á sér. Hann steig á punktinn og skoraði af ótrúlega miklu öryggi, með óverjandi skoti í samskeytin.

Skömmu síðar héldu leikmenn Burnley að þeir hefðu jafnað en Robert Jones dómari var snöggur að dæma markið af.

Hann dæmdi Ben Mee brotlegan í aðdraganda marksins, en ákvörðunin virðist vera kolröng þegar atvikið er skoðað.

Myndband af atvikinu má sjá hér fyrir neðan en Mee virðist alls ekki brotlegur. Ef einhver virðist vera brotlegur þá er það Illan Meslier markvörður Leeds.