Sevilla var að vinna annan deildarleikinn í röð og þann þriðja í síðustu fjórum umferðum.
Liðið er því loksins komið burtu úr fallbaráttunni en situr enn í neðri hluta deildarinnar, með 21 stig úr 19 leikjum.
Sevilla fékk botnlið Elche í heimsókn í kvöld og tók forystuna í fyrri hálfleik. Gestirnir misstu mann af velli með rautt spjald skömmu fyrir leikhlé og nýttu heimamenn í Sevilla sér það til hins ýtrasta. Pedro Bigas fékk spjaldið fyrir að brjóta af sér sem aftasti varnarmaður.
Þeir bættu tveimur mörkum við á síðustu mínútunum fyrir leikhlé og leiddu því 3-0. Sevilla óð í færum í seinni hálfleik en tókt ekki að auka forystuna.
Sevilla 3 - 0 Elche
1-0 Youssef En-Nesyri ('29)
2-0 Marcos Acuna ('43)
3-0 Youssef En-Nesyri ('45)
Rautt spjald: Pedro Bigas, Elche ('41)
Real Betis var þá að næla sér í dýrmæt stig á útivelli gegn fallbaráttuliði Getafe sem var að tapa fjórða deildarleiknum í röð.
Betis var með nokkra yfirburði í tíðindalitlum leik og tókst ekki að koma boltanum í netið fyrr en undir lokin. Borja Iglesias skoraði þá af vítapunktinum.
Betis er í harðri baráttu um Meistaradeildarsæti, með 31 stig eftir 18 umferðir.
Getafe 0 - 1 Real Betis
0-1 Borja Iglesias ('86, víti)
