Higuain í leik gegn Íslandi á HM 2018.
'Af hverju ætti ég að hugsa um það sem annað fólk segir?'
Sóknarmaðurinn Gonzalo Higuain segist hafa verið tilbúinn að hætta í fótbolta eftir dýrkeypt klúður sitt í úrslitaleiknum á HM 2014.
Þetta klúður:
Leikurinn endaði 0-0, en Þýskaland skoraði í framlengingunni og tryggði sér þar með Heimsmeistaratitilinn. Lionel Messi tók við verðlaunum sem besti leikmaður mótsins, en var grautfúll og það skiljanlega.
Þetta klúður:
Leikurinn endaði 0-0, en Þýskaland skoraði í framlengingunni og tryggði sér þar með Heimsmeistaratitilinn. Lionel Messi tók við verðlaunum sem besti leikmaður mótsins, en var grautfúll og það skiljanlega.
Higuain átti væntanlega erfitt með svefn næstu nætur á eftir, en hann segir: „Færið kom óvænt upp. Ég varð að nýta það, en því miður gerði ég það ekki. Ég gerði það fyrsta sem kom upp í hugann á mér. Ég veit ekki hvort ég myndi gera það sama núna."
„Ég hugsaði um að hætta í fótbolta, en mamma sagði að ég mætti ekki gera það."
Higuain, eins og margir aðrir fótboltamenn, er mikið gagnrýndur. Hann reynir að láta það ekki á sig fá. „Ég hef spilað í bestu deildunum, fyrir bestu liðin, á þremur Heimsmeistaramótum og í Suður-Ameríkukeppninni. Ég gat ekki einu sinni ímyndað mér tíu prósent af þessu þegar ég var fimm ára. Af hverju ætti ég að hugsa um það sem annað fólk segir?"
Higuain er 32 ára gamall og er hann á mála hjá Ítalíumeisturum Juventus.
Athugasemdir
