Heimild: Sky Sports
Íþróttafólk á Spáni má byrja að æfa aftur þann 4. maí næstkomandi þar sem Spánverjar eru að slaka á útgöngubanni sínu.
Spánn er eitt af þeim löndum sem hefur komið hvað verst út úr kórónuveirufaraldrinum, en gert er ráð fyrir því að æfingasvæði hjá íþróttafélögum á Spáni opni þann 11. maí næstkomandi.
Það verða strangar reglur þegar æfingar byrja aftur til þess að koma í veg fyrir smit.
Frakkar hættu í dag keppni en á Ítalíu virðist vera farið eftir svipaðari áætlun og á Spáni. Svo virðist sem Ítalir og Spánverjar ætli að reyna að hefja leik aftur í deildarkeppnum sínum á þessu tímabili, en ekki er búið að gefa út neina dagsetningu enn sem komið er.
Áður en hlé var gert á fótbolta vegna kórónuveirufaraldursins var Barcelona á toppi La Liga með tveimur stigum meira en Real Madrid.
Athugasemdir