Dale og Simpson eru 21 árs gamlir en Rennison er aðeins 18 ára gamall.

Hann er vinnusamur miðjumaður sem kemur upp úr Hartlepool United akademíunni. Í tilkynningu Kórdrengja sagði að mörg félög í efstu deild á Englandi hefðu haft áhuga á honum en hann hafi slitið krossband sem hægði á uppgangi ferilsins.

Það er fjallað um þennan áhuga í enskum fjölmiðlum og þar kemur meðal annars fram að Leeds, Newcastle og Sunderland hafi haft áhuga á honum fyrir tveimur árum síðan. Marcelo Bielsa og Rafa Benitez sýndu honum áhuga.

Hann mun spila með Kórdrengjum í sumar og segir Davíð Smári Lamude, þjálfari Kórdrengja: „Conner Rennison var bjartasta von í sínu félagi þegar hann var yngri. (Marcelo) Bielsa hafði mikinn áhuga á honum. Hann slítur svo krossband. Hann er að koma til okkar til að fá leiktíma og koma ferlinum aftur af stað. Hann er kornungur, fæddur 2002."