Dagný Brynjarsdóttir spilaði allan leikinn í kvöld þegar West Ham heimsótti Arsenal í ensku úrvalsdeildinni.
Hollenska markadrottningin Vivianne Miedema kom Arsenal í forystu eftir rétt rúmlega hálftíma leik og var staðan 1-0 í hálfleik. Á 78. mínútu skoraði Kim Little annað mark Arsenal og þar við sat.
Dagný hefur komið öflug inn í lið West Ham en verkefnið í kvöld var aðeins of strembið fyrir hennar lið.
Arsenal er með frábært lið og er í þriðja sæti deildarinnar, sjö stigum á eftir toppliði Chelsea. West Ham er í tíunda sæti, tveimur stigum frá fallsæti.
Fyrr í kvöld skildu nágrannaliðin Aston Villa og Birmingham jöfn í ensku úrvalsdeildinni.
Athugasemdir