Eiður Ben Eiríksson, Rafn Markús Vilbergsson og Úlfur Blandon eru sérfræðingar Fótbolta.net fyrir Lengjudeildina í ár. Úlfur gaf sitt álit á liði Þórsara.

Hann telur að Alvaro Montejo sé mikilvægasti leikmaður Þórsara.

„Það þarf ekki mörg orð til að lýsa mikilvægi hans fyrir Þórsliðið. Spilaði 20 leiki fyrir Þór í deild og bikar í fyrra og skoraði 16 mörk. Virkilega skemmtilegur leikmaður; leikinn með boltann, markheppinn og frábær karakter. Liðið þarf að treysta mikið á sinn besta mann og vona að hann haldist heill í sumar. Án hans gæti liðið hæglega lent í miklum vandræðum í einhverjum leikjum."

Alvaro er þrítugur sóknarmaður sem kom fyrst til Íslands árið 2014 og hefur leikið með Þór frá sumrinu 2018.