Borussia Dortmund er svo gott sem búið að kaupa svissneska markvörðinn Gregor Kobel frá Stuttgart.
Hinn 23 ára Kobel á 22 leiki að baki fyrir yngri landslið Sviss og hefur gert frábæra hluti á milli stanga Stuttgart undanfarin tvö tímabil.
Kobel mun berjast við samlanda sína Roman Bürki og Marwin Hitz um byrjunarliðssæti en Bürki meiddist í tvígang á tímabilinu og varði Hitz markið í hans fjarveru.
Bürki og Hitz eru báðir komnir yfir þrítugsaldurinn og gæti Kobel því orðið framtíðarmarkvörður Dortmund.
Þýskir fjölmiðlar eru sammála um að kaupin séu að ganga í gegn og verði staðfest um helgina.
Athugasemdir