Joan Laporta, forseti Barcelona, var spurður út í framtíð Lionel Messi á fréttamannafundi í morgun.
Messi verður samningslaus eftir mánuð og vilja tvö af stærstu liðum Evrópu fá hann í sínar raðir - Manchester City og Paris Saint-Germain.
„Við erum í samningsviðræðum en það er ekki búið að skrifa undir neitt. Leo vill vera áfram hjá Barcelona, hann elskar félagið," sagði Laporta.
„Leo er spenntur fyrir verkefninu sem er í gangi hérna og ég er þokkalega bjartsýnn að hann skrifi undir."
Laporta var svo spurður hvort Xavi gæti tekið við og hversu langt er í að David Alaba, Sergio Agüero og Georginio Wijnaldum verði kynntir sem nýir leikmenn Barca.
„Við berum mikla virðingu til Koeman og hann er samningsbundinn félaginu. Við munum ræða framtíð hans í næstu viku. Við munum líka kynna nýja leikmenn í næstu viku."
Athugasemdir