„Þetta var alveg ótrúlegur hasar í lokin. Við vorum pínu klaufar að setja okkur í þessa stöðu við fengum alveg nóg af færum til að vera búnir að gera útum þennan leik og í raun og veru vorum við heppnir að hafa hangið á þessum sigri í lokin" Sagði Orri Freyr Hjaltalín eftir 2-1 sigur Þórs á Aftureldingu í hörku leik.
Lestu um leikinn: Þór 2 - 1 Afturelding
Hvað fannst Orra þeir þurfa að gera til að gera út um leikinn?
„Ég er ekki alveg með töluna á færunum sem við sköpum en ég hefði viljað skora töluvert meira en eitt mark í fyrri hálfleik en við áttum líka frábæra sénsa í seinni á að setja þetta í þrjú, fjögur núll og loka kvöldinu. Svo hleyptum við þeim inn í þetta með klaufalegu marki af okkar hálfu enn og aftur úr föstu leikatriði og eftir það vorum við í töluverðu basli, pínu ragir og stressaðir, eins og ég sagði í byrjun, við vorum bara heppnir að hafa hangið á þessu
Afturelding vildi fá vítaspyrnu undir lok leiksins en það endaði með því að leikmaður Aftureldingar fékk að líta rauða spjaldið fyrir kjaft. Hvað fannst Orra um þetta atvik?
„Ég sá þetta nú ekki alveg en miðað við viðbrögðin þeirra þá tel ég það alveg öruggt að hann hafi fengið boltann í höndina. Það hefur verið erfitt fyrir dómaratríóið að sjá, þetta var nátturulega fast skot inn í mikla þvögu, við sluppum með skrekkinn þar væntanlega þannig að við þyggjum það bara"
Athugasemdir
