Túnis og Panama mætast klukkan 18:00 í lokaleik sínum á heimsmeistaramótinu en hvorugt liðið á möguleika á að komast upp úr riðlinum.
Túnis þarf að nota sinn þriðja markvörð á mótinu. Mouez Hassen varð fyrir axlarmeiðslum gegn Englandi og Farouk Ben Mustapha varð fyrir hnémeiðslum á æfingu. Þá eru þeir án Dylan Bronn sem var borinn af velli í tapinu gegn Belgíu.
Panama gerir tvær breytingar á byrjunarliði sínum frá tapleiknum gegn Englandi þar sem Michael Murillo og Armando Cooper eru báðir í banni.
Panama
Penedo; Machado, R Torres, Escobar, Ovalle, Gómez, Bárcenas, Avila, Godoy, JL Rodriguez, G Torres.
Túnis
Mathlouthi; Nagguez, Bedoui, Meriah, Haddadi, Chaalali, Skhiri, Sassi, F Ben Youssef, Khazri, Sliti.
Sjá einnig:
Óli Stefán spáir í leik Panama og Túnis
Athugasemdir