HK tók á móti spennandi liði Hamranna og leiddi 1-0 í leikhlé eftir mark Karenar Sturludóttur. Hún skoraði eftir stoðsendingu Láru Hallgrímsdóttur.

Karen tvöfaldaði forystu HK skömmu eftir leikhlé og innsiglaði Lára sigurinn með marki beint úr aukaspyrnu á 70. mínútu.

Liðin eru jöfn á toppi deildarinnar með sex stig. HK er þó aðeins búið að spila tvo leiki en þetta var þriðji leikur Hamranna.

HK 3 - 0 Hamrarnir
1-0 Karen Sturludóttir ('19)
2-0 Karen Sturludóttir ('46)
3-0 Lára Hallgrímsdóttir ('70)

Sindri tók þá á móti Álftanesi og kom Edda Mjöll Karlsdóttir gestunum yfir í fyrri hálfleik.

Mónika Hlíf Sigurhjartardóttir bætti öðru marki Álftnesinga við í upphafi síðari hálfleiks og minnkaði Arna Ósk Arnarsdóttir muninn skömmu síðar.

Hvorugu liði tókst að bæta við marki og fara stigin þrjú til Álftaness, en þetta var fyrsti deildarleikur liðsins í sumar.

Sindri 1 - 2 Álftanes
0-1 Edda Mjöll Karlsdóttir ('25)
0-2 Mónika Hlíf Sigurhjartardóttir ('51)
1-2 Arna Ósk Arnarsdóttir ('59)

Það getur tekið stöðutöfluna tíma að uppfærast.