Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 28. júní 2020 10:38
Guðmundur Aðalsteinn Ásgeirsson
Guðni Th. vill líkjast Klopp í leiðtogahlutverkinu
Guðni Th. Jóhannesson.
Guðni Th. Jóhannesson.
Mynd: Fótbolti.net - Hafliði Breiðfjörð
Guðni Th. Jóhannesson var endurkjörinn sem forseti Íslands í forsetakosningunum sem fóru fram í gær. Guðni rúmlega 92 prósent atkvæða gegn mótframbjóðanda sínum, Guðmundi Franklín Jónssyni.

Í viðtali við RÚV þegar úrslitin í kosningunum lágu svo gott sem fyrir talaði Guðni um hvernig leiðtogi hann vildi vera. Þá barst Jurgen Klopp, stjóri Liverpool, í tal.

„Ég tel að það sé ekki endilega besti leiðtoginn sem lætur mikið á sér bera, ég tel að það sé ekki endilega besti leiðtoginn sem leitar átaka, ég tel að það sé ekki endilega besti leiðtoginn sem harðneitar að viðurkenna að honum hafi orðið á... Þetta er lífsins alvara í mínum huga, en leyfðu mér samt að færa okkur inn á völl íþróttanna," sagði Guðni.

„Nú held ég ekki með liðinu sem varð Englandsmeistari í knattspyrnu fyrr í vikunni (í síðustu viku), en samgleðst með þeim sem halda með því ágæta liði. Þar er leiðtogi Jurgen nokkur Klopp."

„Að geta borið ábyrgð en um leið sýnt auðmýkt er nokkuð sem Klopp sýndi vel. Að geta verið kappsamur en um leið sýnt kurteisti, verið fullur festu en líka mýktar. Þannig eru góðir leiðtogar og þannig vona ég að mér auðnist að vera," sagði Guðni sem ítrekaði að hann væri ekki að bera saman íþróttir og stjórmál.

Klopp hefur gert frábæra hluti með Liverpool frá því hann tók við liðinu árið 2015 og er Englandsmeistaratitillinn síðasta dæmið um það.

Sjá einnig:
Forsetafjölskyldan heillaði fólk á Old Trafford
Athugasemdir
banner
banner