Kolbeinn hefur ekki verið með AIK að undanförnu vegna meiðsla.
AIK hefur rekið þjálfarann Rikard Norling úr starfi eftir slakt gengi liðsins í sænsku úrvalsdeildinni það sem af er tímabili.
Norling er 49 ára gamall og hefur stýrt AIK frá 2016. Hann gerði liðið að meisturum árið 2018 og var valinn þjálfari ársins í Svíþjóð það ár.
Norling er 49 ára gamall og hefur stýrt AIK frá 2016. Hann gerði liðið að meisturum árið 2018 og var valinn þjálfari ársins í Svíþjóð það ár.
AIK tapaði 0-1 gegn Djurgården í sænsku úrvalsdeildinni um liðna helgi og er aðeins með 12 stig eftir 11 leiki. Liðið er í 12. sæti af 16 liðum.
Það er ekki boðlegur árangur fyrir AIK. Stjórnin tók fund í gær og tók einróma ákvörðun að reka Norling úr starfi.
Kolbeinn Sigþórsson er á mála hjá AIK en hann hefur ekki spilað með liðinu í undanförnum leikjum. Fram kemur í sænskum fjölmiðlum að Kolbeinn hafi verið að glíma við meiðsli.
Athugasemdir
