Það er gríðarleg spenna í titilbaráttu Pepsi Max-deildarinnar þar sem þrjú lið berjast um Íslandsmeistaratitilinn. Í fallbaráttunni er líka spenna og útlit fyrir skemmtilegar lokaumferðir.

19. umferðin verður leikin um helgina en hún hefst í kvöld með leik Vals og Stjörnunnar sem Jóhann Ingi Jónsson sér um að dæma.

Valur er í öðru sæti en Breiðablik komst á toppinn í vikunni. Blikar leika gegn Fylki á morgun og mun Erlendur Eiríksson dæma þann leik. Vilhjálmur Alvar Þórarinsson dæmir leik FH og Víkings en Víkingar eru í þriðja sæti.