Enski landsliðsframherjinn Harry Kane hafði ekki klúðrað vítaspyrnu fyrir Tottenham í fjögur og hálft ár áður en Dean Henderson, markvörður Nottingham Forest, varði frá honum í 2-0 sigri Tottenham í dag.
Tottenham fékk vítaspyrnu í byrjun síðari hálfleiks eftir að Steve Cook handlék knöttinn innan teigs.
Kane fór á punktinn en Henderson varði meistaralega frá honum.
Framherjinn hafði skorað úr síðustu fimmtán spyrnum sínum í ensku úrvalsdeildinni og var síðasta klúður hans í febrúar 2018 þegar Loris Karius af öllum markvörðum varði frá honum í leik gegn Liverpool.
Þetta hafði ekki mikil áhrif á Kane í leiknum sem gerði bæði mörk Tottenham í sigrinum á Forest en Kane er kominn með fjögur mörk í fjórum leikjum.
Athugasemdir