Íslenski landsliðsframherjinn Jón Daði Böðvarsson verður ekki með Bolton næstu tvær vikurnar vegna meiðsla aftan í læri. Ian Evatt, stjóri félagsins, staðfesti þessar fregnir í dag.
Jón Daði kom til Bolton í janúar á þessu ári og var ekki lengi að koma sér fyrir í liðinu.
Hann er dýrkaður og dáður af stuðningsmönnum liðsins en var ekki með liðinu í gær er liðið tapaði fyrir Plymouth, 2-0.
Jón Daði er að glíma við meiðsli aftan í læri og verður ekki klár fyrr en eftir tvær vikur.
„Jón verður frá í tvær vikur. Við söknum hans og það hefur ekki gengið vel án þeirra," sagði Evatt en fleiri lykilmenn eru á meiðslalistanum.
Bolton er í 10. sæti C-deildarinnar með 8 stig eftir sex leiki en Jón Daði hefur spilað fimm þeirra og lagt upp eitt mark.
Athugasemdir