Antony, sem er 22 ára gamall, hefur opnað sig um það að hann hefur dreymt um það síðan í febrúar að ganga til liðs við Manchester United og reynt að gera allt til að það verði að veruleika.

Hann hefur til þessa skrópað á æfingar með liðinu og ekki verið í leikmannahópnum undanfarið.

Man Utd hefur lagt fram nokkur tilboð í sóknarmanninn en Ajax hefur hafnað þeim til þessa. Félagið hefur ekki viljað hlusta á tilboð United en nú er breyting á.

Ajax er nú reiðubúið að samþykkja 85 milljón punda tilboð United og er verið að ganga frá öllum helstu atriðum. Antony mun skrifa undir fimm ára samning með möguleika á að framlengja um ár til viðbótar.

Félögin eru nú að ræða sín á milli hvernig strúkturinn á greiðslunni verður.

Antony verður fimmti leikmaðurinn sem Erik ten Hag fær til United í sumar á eftir þeim Tyrell Malacia, Christian Eriksen, Lisandro Martínez og Casemiro.