Það var létt brúnin á fyrirliða Skagamanna Steinari Þorsteinssyni er hann mætti í viðtal til fréttaritara Fótbolta.net að loknum 1-0 sigri Skagamanna á Keflavík í Keflavík fyrr í dag.
Lestu um leikinn: Keflavík 0 - 1 ÍA
„Við þurftum þennan og að ná í annan sigur það er flott. “
Sagði Steinar um úrslitin og sigur Skagans.
Leikurinn sjálfur var ekki mikið fyrir augað og einkenndist öðru framar af hörku og baráttu frekar en fallegum fótbolta.
„Já er það ekki oftast þannig þegar að þessi lið mætast. Það var líka svolítill vindur þannig að það var svolítið erfitt að spila.“ sagði Steinar og bætti svo er hann heyrði undrun fréttaritara að Skagamaður kvartaði undan vindi „Við erum vanir þessu,“
Sigurinn er sá annar í röð hjá ÍA eftir magurt gengi í sumar og langa bið eftir sigri. Er ekki mórallinn mun betri í klefanum nú eftir að liðinu hefur tekist að tengja saman sigra?
„Jú heldur betur. Sigrar, það er allt annað að vinna leiki.“
Athugasemdir