Svissneski markvörðurinn Yann Sommer átti eina af og ef ekki bestu frammistöðu sem sést hefur í þýsku deildinni í gær en hann varði 19 skot í 1-1 jafntefli Borussia Monchengladbach gegn Bayern München.
Það er hreint út sagt með ólíkindum að Bayern hafi ekki skorað fleiri mörk í leiknum en það er aðeins einum manni að þakka; Yann Sommer.
Hann varði nítján skot í leiknum og setti þar með nýtt met en enginn markvörður hefur varið fleiri skot í einum leik í efstu deild í Þýskalandi.
Sommer varði mörg dauðafæri í leiknum og náði í þetta stig fyrir Gladbach. Þýska félagið gekk svo langt á Twitter með því að biðja Bayern vinsamlegast um að hætta að skjóta því Sommer ætti skilið stig úr leiknum.
Hægt er að sjá vörslurnar hjá Sommer í myndbandinu hér fyrir neðan.
Yann Sommer deserves this point. Please stop shooting, @FCBayernEN.#FCBBMG 1-1
— Gladbach (@borussia_en) August 27, 2022
Yann Sommer broke the Bundesliga record for most saves in a match with 19 😮🧤 @bundesliga_EN pic.twitter.com/aJiL9kTtoq
— ESPN FC (@ESPNFC) August 27, 2022
Athugasemdir