„Já og nei. Ég er búinn að nýta tækifærið að þjálfa liðið og haft gaman að því þó að þetta hafi verið þungt og erfitt tímabil. Við kveðjum þessa deild og förum í Inkasso næsta ár. Þetta er búið að vera þungt og erfitt tímabil en ég er búinn að læra helling á þessu og það er búið að vera gaman að taka þátt í þessu þrátt fyrir allt."
Sagði Ian Jeffs, þjálfari ÍBV, eftir 3-2 tapleik gegn Stjörnunni í dag þegar hann var spurður hvort það væri léttir að tímabilinu væri lokið.
Sagði Ian Jeffs, þjálfari ÍBV, eftir 3-2 tapleik gegn Stjörnunni í dag þegar hann var spurður hvort það væri léttir að tímabilinu væri lokið.
Lestu um leikinn: Stjarnan 3 - 2 ÍBV
En verður Jeffsy áfram í þjálfaraliði ÍBV á næsta ári?
„Ég veit það ekki, það kemur í ljós eftir helgi."
Þetta var kveðjuleikur Matt Garner fyrir ÍBV
„Matt Garner var að spila sinn síðasta leik. Hann er búinn að vera flottur leikmaður fyrir ÍBV í mörg ár. Það hefði verið gaman fyrir hann að enda á sigurleik en hann getur verið stoltur af ferlinum sínum með ÍBV."
Aðpurður hvort gullskór Gary Martin hafi gefið liðinu eitthvað.
„Það gefur honum eitthvað. Við samgleðjumst Gary með þetta. Þetta er flott hjá honum að skora þessi mörk með ÍBV og þetta er glæsilegt fyrir hans hönd. Við vorum bara að hugsa um leikinn. Við vildum bara fá eitthvað útúr þessu í dag. En ég er ánægður fyrir hans hönd."
Athugasemdir