Lestu um leikinn: KA 2 -  2 FH

„Enn og aftur eru FH-ingar að skemmileggja, þeir eyðilögðu öll partý nema Víkings, þar skutu þeir bara yfir og í stöngina" sagði Tómas Þór Þórðarson en FH vann gegn Breiðabliki í næst síðustu umferð sem varð til þess að Víkingur var í bílstjórasætinu í barátunni um Íslandsmeistaratitilinn.

„Þetta setur rosalega súran blett og ótrúlegt óbragð í munninn get ég ímyndað mér hjá KA-mönnum. Við erum búnir að tala um það í sumar að Arnar Grétarsson sé búinn að snúa hlutunum við. Góðir leikmenn komið inn, ungu strákarnir fengið að spila, öskubuskuævintýri í Stubbi, eru ekki með neinn 'out-and-out striker' en samt að skora. Þegar það fór að halla á markaskorun þá fóru þeir að finna mörk í föstum leikatriðum."

„Grímsi frábær á þessu tímabili, selja út besta leikmanninn sinn en ná samt að redda sér. Það er hægt að hrósa þeim fyrir svo ótrúlega margt. Þeir þurftu að spila á útivelli á heimavelli. Þeir fá svo leik gegn FH sem hefur að engu að keppa, vinna ekki og Evrópusætið er farið - tímabilið búið," sagði Tómas.

Leikurinn endaði 2-2 og skoraði Ólafur Guðmundsson fyrra mark FH eftir hornspyrnu sem Stubbur ætlaði að grípa en missti frá sér. Markið kom FH í 0-1.

Steinþór Már Auðunsson, Stubbur, var einn besti leikmaður KA í sumar og einn besti markvörður deildarinnar á þessu tímabili. Hann átti að vera vararmarkvörður fyrir Kristijan Jajalo í sumar en Jajalo meiddist rétt fyrir mót og Stubbur steig þá inn í hans hutverk.

„Þú talar um öskubuskuævintýrið hjá Stubbi, hann náttúruega gefur fyrsta markið í leiknum - missir boltann," sagði Elvar Geir.

„Valdi rangt augnablik maður, greyið kallinn," sagði Tómas.