Maguire er fyrirliði Manchester United.
Varnarmennirnir Harry Maguire og Luke Shaw tóku ekki þátt í æfingu Manchester United í dag.
Þeir urðu fyrir meiðslum í tapi United gegn Aston Villa á laugardaginn og Maguire verður ekki með gegn Villarreal í Meistaradeildinni á morgun.
Þeir urðu fyrir meiðslum í tapi United gegn Aston Villa á laugardaginn og Maguire verður ekki með gegn Villarreal í Meistaradeildinni á morgun.
Ole Gunnar Solskjær, stjóri United, segir að Maguire verði frá næstu vikurnar en hann meiddist á kálfa.
„Þetta lítur ekki vel út og gæti tekið nokkrar vikur," sagði Solskjær á fréttamannafundi um meiðsli Maguire.
Það lítur mun betur út með Shaw sem á möguleika á því að vera í leikmannahópnum á morgun.
United þarf að vinna á morgun eftir að liðið tapaði í fyrstu umferð riðlakeppninnar, gegn Young Boys frá Sviss.
United tapaði í vítaspyrnukeppni gegn Villarreal í úrslitaleik Evrópudeildarinnar á síðasta tímabili.
Athugasemdir
