Hollenska stórliðið Ajax er svo sannarlega að gera það gott í upphafi þessa tímabils.
Ajax er á toppnum í Hollandi með 19 stig eftir sjö leiki; liðið hefur skorað 30 mörk og fengið á sig eitt mark. Liðið fer líka vel af stað í Meistaradeildinni.
Ajax tók á móti Besiktas í dag í Amsterdam og gekk frá leiknum í fyrri hálfleiknum. Steven Berghuis skoraði á 17. mínútu og bætti Sebastian Haller við öðru marki rétt áður en flautað var til hálfleiks.
Hollenska liðið hefur unnið fyrstu tvo leiki sína í C-riðlinum og er þar á toppnum.
Shakhtar Donetsk og Inter voru einnig að mætast. Þar var niðurstaðan markalaust jafntefli. Bæði lið töpuðu í fyrstu umferð og fara ekki vel af stað í riðlakeppninni. Real Madrid og Sheriff eru einnig í þessum riðli og þau mætast einnig í kvöld.
Ajax 2 - 0 Besiktas
1-0 Steven Berghuis ('17 )
2-0 Sebastian Haller ('43 )
Shakhtar D 0 - 0 Inter
Athugasemdir