Sheriff Tiraspol frá Moldavíu vann magnaðan sigur á Real Madrid í annarri umferð riðlakeppni Meistaradeildarinnar í kvöld.
Sheriff gerði sér lítið fyrir og tók öll stigin þrjú úr þessum leik. Jasur Jakhshibaev sá til þess að Sheriff var 1-0 yfir í hálfleik, en Karim Benzema jafnaði úr vítaspyrnu fyrir Madrídinga.
Heimamenn fengu tækifæri til að komast yfir, en í staðinn tók Sheriff aftur forystuna í uppbótartímanum. Sebastien Thill skoraði sigurmarkið.
Í grein sinni um leikinn skrifar Evening Standard að þetta séu allra óvæntustu úrslit í sögu Meistaradeildarinnar; að Sheriff frá Moldavíu, sem er í fyrsta sinn í riðlakeppninni, hafi lagt þrettánfalda meistara Real Madrid að velli.
Það voru leikmenn frá Úsbekistan og Lúxemborg sem skoruðu mörkin fyrir Sheriff.
Sheriff var stofnað árið 1997 og er gríðarlega sigursælt í heimalandinu. Þetta er samt sem áður þeirra fyrsta ródeó í riðlakeppni Meistaradeildarinnar - líkt og fyrr segir.
Hægt er að lesa grein Evening Standard hérna.
Athugasemdir