Serge Aurier.
Roy Keane, sérfræðingur hjá Sky, gagnrýndi bakverði Tottenham harðlega eftir 2-1 tap liðsins gegn Liverpool á Anfield í gær.
Serge Aurier og Danny Rose voru í miklu basli í leiknum. Aurier fékk á sig vítaspyrnu sem Mohamed Salah skoraði sigurmarkið úr og Rose var í vandræðum í fyrra marki Liverpool.
Serge Aurier og Danny Rose voru í miklu basli í leiknum. Aurier fékk á sig vítaspyrnu sem Mohamed Salah skoraði sigurmarkið úr og Rose var í vandræðum í fyrra marki Liverpool.
„Bakverðir Tottenham voru hrikalegir. Ég myndi kalla þá Dumb and Dumber (heimskur og heimskari)," sagði Keane og vísaði í vinsæla kvikmynd.
„Mér fannst þeir vera mjög lélegir. Þú getur ekki borið þá saman við bakverði Liverpool (Trent Alexander-Arnold og Andy Robertson), þeir tveir voru algjörlega stórkostlegir."
„Sérstaklega fram á við. Þeir geta ennþá bætt sig varnarlega en þeir eru stórkostlegir fram á við," sagði Keane um bakverði Liverpool.
Dumb and Dumber myndin vinsæla.
Athugasemdir
