Scott McTominay, leikmaður Manchester United á Englandi, skoraði sögulegt mark er hann kom liðinu yfir gegn Norwich City í gær en þetta var 2000. mark United í ensku úrvalsdeildinni.
Enska úrvalsdeildin var sett á laggirnar í febrúar árið 1992 en síðan þá hefur United unnið deildina þrettán sinnum.
United hélt áfram að slá metin svo í gær er McTominay kom liðinu yfir í 3-1 sigrinum á Norwich.
Það var mark númer 2000 í ensku úrvalsdeildinni og er United eina liðið sem hefur náð þeim áfanga.
Mark Hughes skoraði fyrsta mark United í úrvalsdeildinni. Andy Cole gerði mark númer 500 og Cristiano Ronaldo mark númer 1000. Það var þá búlgarski framherjinn Dimitar Berbatov sem skoraði 1500. markið.
Athugasemdir