Mjällby 2 - 0 Syrianska
Mjällby tryggði sér í dag sæti í Allsvenskan með 2-0 heimasigri á Syrianska í næstsíðustu umferð sænsku Superettunnar.
Mjällby er sem stendur í toppsæti deildarinnar, með fimm stiga forskot á þriðja sætið og tveggja stiga forskot á Varbergs sem situr í öðru sætinu.
Milos Milojevic, fyrrum þjálfari Víkings og Breiðabliks í Pepsi-deildinni, tók við aðstoðarþjálfarastöðunni hjá C-deildarliði Mjällby haustið 2017.
Mjällby tryggði sér í dag sæti í Allsvenskan með 2-0 heimasigri á Syrianska í næstsíðustu umferð sænsku Superettunnar.
Mjällby er sem stendur í toppsæti deildarinnar, með fimm stiga forskot á þriðja sætið og tveggja stiga forskot á Varbergs sem situr í öðru sætinu.
Milos Milojevic, fyrrum þjálfari Víkings og Breiðabliks í Pepsi-deildinni, tók við aðstoðarþjálfarastöðunni hjá C-deildarliði Mjällby haustið 2017.
Um mitt sumar 2018 tók hann við aðalþjálfarstöðunni og stýrði liðinu upp í Superettuna í fyrstu tilraun.
Milos staldraði ekki lengi með liðið í Superettunni en eins og fyrr segir tryggði liðið sig upp í Allsvenskan með sigrinum í dag. Frábær árangur Milosar með félagið.
Gísli Eyjólfsson var fyrri hluta sumars á láni hjá Mjällby frá Breiðabliki en sneri til baka til Breiðabliks um mitt sumar. Þá var Óttar Magnús Karlsson á mála hjá Mjällby en Víkingur R. keypti hann undir lok félagaskiptagluggans í sumar.
Nói Snæhólm Ólafsson var í vinstri bakverði Syrianska í kvöld. Nói lék allan leikinn. Syrianska er í botnsæti deildarinnar og þarf á kraftaverki að halda til að komast í umspilið til að halda sæti sínu í deildinni. Liðið þarf að sigra í lokaumferðinni og treysta á tap hjá Brommapojkarna og Osters.
@milosm18 að rúlla með sína menn aftur upp um deild. Stefnir allt í að hann verði þjálfari ársins í Svíþjóð, kominn með Mjallby upp um tvær deildir á 2 árum. Þetta er meira en að segja það. Til lukku með þennan frábæra árangur.
— saevar petursson (@saevarp) October 28, 2019
Athugasemdir
