Lærisveinar Heimis Hallgrímssonar í Al Arabi komust yfir á 34. mínútu þegar Hamdi Harbaoui skoraði. Forystan entist hins vegar ekki lengi þar sem Sofiane Hanni jafnaði á 41. mínútu.

Lokatölur 1-1, en Al Gharafa er í þriðja sæti deildarinnar í Katar, Íslendingalið Al Arabi í fimmta sæti.

Í bikarkeppninni í Katar er leikið í tveimur riðlum og komast fjögur efstu liðin í báðum riðlunum í 8-liða úrslit. Al Arabi er búið að tryggja sig áfram í 8-liða úrslitin eftir jafnteflið í dag.