Gerrard er aðeins annar stjórinn í sögu Aston Villa sem byrjar á tveimur sigurleikjum í röð í ensku úrvalsdeildinni. Hinn stjórinn var John Gregory en honum tókst að byrja á tveimur sigrum í röð árið 1998.

„Það var frábært að á þessum sigri en við megum ekki gleyma okkur í gleðinni. Þetta hafa verið tvær góðar vikur og leikmennirnir hafa staðið sig frábærlega," sagði Gerrard.

Hann hrósaði Dean Smith, fyrrverandi stjóra liðsins, og sagði að hér hafi verið unnið mjög gott starf.

„Hér var unnið frábært starf áður en við mættum. Dean Smith gerði mjög flotta hluti og félagið ætti að vera með fleiri stig miðað við frammistöðurnar undir hans stjórn."

Dean Smith hefur byrjað vel með Norwich en hann hefur sótt fjögur stig í tveimur fyrstum leikjum sínum og aðeins fengið á sig eitt mark.