Roma goðsögnin Francesco Totti hefur blandað sér í umræðuna um besta leikmann í heimi.
Cristiano Ronaldo og Lionel Messi hafa skipst á að vera valinn leikmaður ársins í áraraðir. Totti blandaði sér í umræðuna í vikunni og talaði um leið um ótrúlegar fjárhæðir í fótboltanum í dag.
Cristiano Ronaldo og Lionel Messi hafa skipst á að vera valinn leikmaður ársins í áraraðir. Totti blandaði sér í umræðuna í vikunni og talaði um leið um ótrúlegar fjárhæðir í fótboltanum í dag.
„Ég kunni betur við fótboltann fyrir löngu síðan. Í dag er þetta bara brjálæði," sagði Totti í fyrirlestri í Dubai.
„Fótboltinn hefur breyst mikið frá því ég spilaði og þar til núna. Ég kunni betur við rómantíkina í fótboltanum áður. Núna snýst þetta allt um viðskipti."
„Það eru leikmenn eins og Ronaldo og Neymar og Neymar er dæmi um leikmann með háan verðmiða. Það er of mikið að borga 250 milljónir evra fyrir leikmann. Það er ekki raunverulegt."
„Messi er hins vegar númer eitt. Ekki segja Cristiano frá því!"
Athugasemdir