Guardiola stýrði City til sigurs í þremur keppnum á Englandi á síðasta tímabili á meðan Klopp vann Meistaradeildina og allt stefnir í deildartitil hjá Liverpool í vor.

„Jurgen Klopp er að sanna fyrir Guardiola á þessari leiktíð að Klopp sé sá besti í heimi," skrifaði Merson sem er einnig sérfræðingur hjá Sky Sports.

„Liverpool lét Leicester líta illa út og það er Klopp að þakka. Hann byggði liðið. Hann er að hafa betur gegn Guardiola þrátt fyrir minni upphæðir í leikmannakaupum."

„Það er það sem gerir hann að besta stjóranum. Klopp gæti komið Rotherham upp í efstu deild og gert það að úrvalsdeildarfélagi með tíma. Guardiola gæti ekki gert það. Hann þarf 80 milljónir punda eða 90 milljón punda leikmenn til að kerfi hans gangi upp. Klopp þarf það ekki. Þetta er mikið afrek sem Klopp hefur afrekað hjá Liverpool," skrifaði Merson.

Liverpool er með þrettán stiga forskot á toppi ensku úrvalsdeildarinnar og á auk þess leik til góða.