„Ég skal alveg viðurkenna það að ég var ekki búinn að undirbúa langa ræðu. Ég bjóst við því að annað hvort Alfreð eða Patrekur myndu taka þetta. Mér er mikill heiður að vera í hópi þessara þjálfara," sagði Óskar þegar hann tók við verðlaununum.

Óskar hafði betur gegn handboltaþjálfurunum Alfreð Gíslasyni og Patreki Jóhannessyni.

Óskar kom Gróttu upp um tvær deildir á tveimur árum og mun liðið spila í Pepsi Max-deildinni á næsta tímabili. Óskar og hans teymi byggðu liðið upp á ungum leikmönnum og það reyndist árangursríkt.

Óskar mun hins vegar ekki þjálfa liðið þar sem hann er tekinn við Breiðabliki.