„Nei," svaraði Carlo Ancelotti, stjóri Everton, ákveðinn þegar hann var spurður að því um helgina hvort hann telji að liðið geti barist um enska meistaratitilinn.

Everton lagði Sheffield United 1-0 á laugardag og er í 2. sæti í úrvalsdeildinni eftir fjóra sigra í röð. Ancelotti sér þó ekki titilbaráttu í kortunum.

„Ég held raunhæft þá verði ég að segja nei. Við erum mjög ánægðir með stöðuna okkar en markmið okkar hefur ekki breyst," sagði Ancelotti.

„Það er mikil samkeppni í ensku úrvalsdeildinni og mikið af stórkostlegum liðum. Við erum ánægðir með að vera í öðru sæti og markmið okkar er að spila í Evrópukeppni á næsta tímabili. Það hefur ekki breyst."